جناب ریحان رحمان۔ چیف ایگزیکٹوآفیسر | Feroze1888 Mills Limited
EN
جناب ریحان رحمان۔ چیف ایگزیکٹوآفیسر – Feroze1888 Mills Limited

جناب ریحان رحمان۔ چیف ایگزیکٹوآفیسر

جناب ریحان رحمٰن اپریل 2016 میں فیروز1888 ملزلمیٹڈ کے چیف اگزیکٹو آفیسر کی حیثیت سے تعینات ہوئے اور اگست 2023 میں آپ کو چوتھی دفعہ اس عہدے کے لیے مُنتخب کیا گیا۔ آپ فیزوز 1888ملز اوراس کی مُلحقہ کمپنیوں کے ساتھ 20سال سے زائد عرصے کا وسیع تجربہ رکھتے ہیں۔

2010 میں فیروز 1888 ٹیکسٹائل ملز لمیٹڈنے نقشبندی انڈسٹریز لمیٹڈ (NBIL) کی باگ دوڑ سنبھالی اور جناب ریحان رحمٰن صاحب کو اس کا پہلا CEO مُنتخب کیا گیا۔ آپ نے نہ صرف اس ادارے کے حصول اور انضمامی معاملات میں نہایت اہم اور کُلید ی کردار ادا کیا، بلکہ مالی خسارے سے دُوچاراس یُونٹ کو بتدریج بہترین کارکردگی کی جانب گامزن بھی کیا۔

بطور چیف اگزیکٹو آفیسر، جناب ریحان رحمٰن صاحب اپنی جدت پسندانہ سوچ کے ساتھ،فیزور 1888ملزلمیٹڈ کو اس کے بنیادی مقصد: Weaving A Better World کی جانب بھرپور رہنمائی فراہم کر رہے ہیں۔ باوجود اس کہ کے ادارے کی کامیابی اور اس کی جوابدہی آپ کی ذمہ داری ہے، آپ نے اپنی ٹیمز پر اعتماد کرتے ہوئے انہیں خود اعتمادی اور معاملات میں فیصلہ کرنے کی جُرأت سے لیس کیا ہے، جس کی بدولت ادارے میں ‘جوابدہی بوجوہ ذمہ داری’ اور باہمی احترام کی فضاء کو فروغ حاصل ہے۔

اپریل 2016 سے فیروز1888ملز لمیٹڈ نے آپ کی سربراہی میں کئی کامیابیاں اور اعزازات بشمول: سب سے زیادہ فروخت اور مُنافع کا حصول، کاروباری اور پیداواری صلاحیت میں اضافہ، HR ترقیاتی پروگرامزز، اور، مقامی اور بین الافوامی سطح پرکسٹمرز اور سسٹین ایبلیٹی ایوارڈز کا حصول شامل ہیں۔جناب ریحان رحمٰن صاحب نے اپنے ہر کردار اور حیثیت میں نظم و ضبط کی پابندی اوراعلیٰ معیار کو یقینی بناتے ہوئے مقاصد کی مسلسل تکمیل پر توجہ مرکوز رکھی ہے۔ اس کے ساتھ ساتھ آپ نے اس اَمر کو بھی یقینی بنایا ہے کہ پورے ادارے میں کام کو صحیح طور پر کرنے پر بھرپور توجہ دی جائے، اور واضح اہداف و مقاصدکا تعین کرکے بہترین ٹیمز تیار کی جایئں۔

کاروبار کے ساتھ ساتھ وسیع تر عوامی فلاح اور مفاد میں بھی آپ کی گہری دلچسپی ہے۔ طالبِ علم آپ کی توجہ کا خصوصی مرکز ہیں، اوراس ضمن میں طلباء کو عملی تجربات اور مُختلف پیشہ ء ورانہ مراحل سے آگاہی فراہم کرنے والے اداروں میں فیروز1888ملز لمیٹڈ کا نام سرِ فہرست اورمحترم مانا جاتا ہے۔ آپ کی قیادت میں ادارے نے بڑھ چڑھ کربے شمار فلاحی کاموں اور سرگرمیوں میں شمولیت اختیار کی ہے، اور ساتھ ساتھ مُلازمین کی بھی حوصلہ افزائی کی ہے کہ وہ معاشرے کی بھلائی اور فلاحی کاموں میں اپنا کردار ادا کریں۔

دیگر ڈایئریکٹر شپس
پریمیئر 1888 لمیٹڈ